جزء من قصيده حامد زيد

تزينه الصور والصحيح ابن الحلال زوين..
وانا ماني ناقص عنه يوم انتي تبدينه..
نصيبي هو نصيبي لو يسددها من الصوبين..
قنوع بمظهري والسم مايذبح ثعابينه..
على قول المثل ماني حلو لاكن ماني شين..
إذا اهداك الزهر مره فأنا اهديتك بساتينه..
وإذا الهاك بفرح ليله انا اقتل بكاك سنين..
وإذا استضعفتك املاكه وشتتك ملايينه..
انا حتى فتات الخبز اقسمها معك نصين..
طموحي بس اجي واظفر بشئ تستحقينه..
تدينته تسلفته سرقته مو مهم منين..
كاني من كثر ماارضى بكل إلي تمنينه..
لو إنك تطلبين الله يعنيني بقول آمين..
انا ماالعب على الحبلين وقت الطيش وسنينه..
تبين الحين يوم إني كبرت العب على الحبلين..
ترى عند البدو بذات عيب إلي تسوينه..
حلاتك لاعشقتيني تعشقيني ليوم الدين..
غرام نسكن ضلوعه حشيمه من مجانينه..
جفا يجمع معزتنا ولا عشق يذل ثنين..
كثار إلي تحدوني وقالوا تحبينه...
امانه لاتخليني صغير بعينهم تكفين..
لأني كل ماقالوا تخون اقول مسكينه..
عليك الله وامانه علميهم من هو المسكين..
انا خايف لاطاح الجمل تكثر سكاكينه..
وانا ماعادت ضلوعي تحمل طعنة السكين..
مثل ماقالوا المكتوب واضح من عناوينه..
لو ارحل منك للغربه واسافر من ضلامك وين..
كفايه كل حلم يمر في رقادي تزورينه..
كفايه من تفارقنا وانا ماغمضت لي عين..
قبل يومين شفتك في المنام وقمت من حينه..
ونمت امس ورجع نقس المنام إلي قبل يومين..

جفا يجمع معزتنا ولا عشق يذل ثنين..

من اجمل قصائد حامد زيد لونها فديو كان احلى

لك تحياتي اخي فراس

يسلمو اخ سيبرو افضل شاعر سمعته حامد زيد