قصيدة القاضي في وصف القهوة

السلام عليكم ورحمة الله وبركـاته




هذاي من اجمل القصائد في القهوة للقاضي

وان شاء الله تحوز على رضاكم




يـامـلّ قـلـبٍ كــل مـاالـتـمّ الاشـفــاق
مـن عـام الاول بــه دواكـيـك وخـفـوق

كـنّـه مــع الــدلاّل يجـلـب بـالاســواق
وعاميـن عنـد معـزّل الوسـط ماسـوق

يجاهـد جنـودٍ فـي سواهيـج الاطـراق
ويكشـف لـه اسـرارٍ كتمـهـا بصـنـدوق

لاعــنّ لــه تـذكـار الاحـبـاب واشـتــاق
بالـه وطـفّ بخـاطـره طــاري الـشـوق

دنّيـت لــي مــن غـالـي الـبـنّ مــالاق
بالكـف ناقيـهـا عــن الـعـذف منـسـوق

احمـس ثـلاثٍ يانديمـي عـلـى ســاق
ريحه على جمر الغضى يفضح السوق

وايّــــاك والـنـيّــه وبــالــك والأحــــراق
واصـحَ تصيـر بحمسـة البـن مطـفـوق

لاَاصّـفـرِّ لـونـه ثــمّ بـشّــت بـآلاعــراق
صفرا كمـا الياقـوت يطـرب لهـا المـوق

وعـطّـت بـريـحٍ فـاخــرٍ فـاضــحٍ فـــاق
ريحـه كمـا العنبـر بالانفـاس منـشـوق

دقّــه بنـجـرٍ يسمـعـه كـــل مـشـتـاق
راعَ الهـوى يطـرب الـى طـق بخـفـوق

وْلَـقْــمْ بـدلــة مـولــعٍ كـنّـهــا ســــاق
مصـبـوبـةٍ مـربـوبــةٍ تَــقْــلِ غــرنــوق

خـلّـه تـفـوح وراعــي الكـيـف يشـتـاق
فإلـى طفـح لـه جوهـرٍ صـحْ لــه ذوق

اصـغـر قـمـوره كـالـزمـرد بـالأشـعـاق
وَكْبـاره الطافـح كـمـا صـافـي الـمـوق

زلّه علـى وضحـى بهـا خمسـة ارنـاق
هيـلٍ ومسـمـارٍ بالاسـبـاب مسـحـوق

مع زعفـرانٍ والشمطـري إلـى أنسـاق
والعنبـر الغالـي علـى الطـاق مطبـوق

فـإلـى اجتـمـع هـــذا وهـــذا بتـيـفـاق
صبّـه كفيـت العـوق عـن كـل مخلـوق

بَفْنجـال صـيـنٍ زاهــيٍ عـنـد الأرمــاق
يغضي بكرسيّـه كمـا أغضـاي غرنـوق

والى أنطلـق مـن ثعبتـه تَقْـلِ شبـراق
او دم قـلـبٍ وأنـقـطـع مـنــه مـعـلـوق

خـمـر الــى مـنّـه تسـاقـى بـالاريــاق
عليـه مـن مـاء صافـي الـورد مـذلـوق

راعـيــه كـنّــه شـــاربٍ ريـــق تـريــاق
كاس الطروب اسرور من ذاق لـه ذوق

فإلـى حضـر ماقلـت عنـدي فــالارزاق
بـيـدي كـريــمٍ كـافــلٍ كـــلّ مـخـلـوق

هـــذا وصـلّــوا عـــد مــانــاض بــــرّاق
علـى النبـي الهاشمـي خيـر مخـلـوق

اشكرك اخي العزيز سيبروووو على القصيده
هل تتوقع ان ملكة الورد تفهم القصيده ؟؟؟؟
الا تعتقد ان عصر القصيد بالدلال والقهوه خلص ؟؟
هل تعتقد لو الشاعر لاحق على كيم كوردشان كان قاصد بقهوه ؟؟

السلام عليكم

هههههههههههههههههههههههههههههههههههههههههه

شكرا لمرورك


يويل امها ملكه وش فهمها بالنبطي

هالقصيده تعجبني من زمااااااااااان حافضها


بس على قولتك راحت ايام الشبه والقهوى والعلوم الطيبه الحين وقت ( الكفي شوب)

السلام عليكم
يسلموووووووووووووووو سبروووووووووووووووووو على القصيدة الحلوة
وياحظ القهوة اللى مدحها شاعر ابن شاعر
وانت ياعطر لا تجيب طاري الفقمات بمنتدى الجميلات
ال كيم ال مالت عليها فيله هههههههههههههههههه

السلام عليكم

شكرا لمرورك مميزه

اتمنىلك التوفيق

اي والله ياحظ القهوة مادحينها بقصيدة

مشكووووووووووورة خيو سبر على القصيدة الجميلة اللي لها نكهة القهوة الرائعة

بانتظار جديدك

تحياتي