كرسي الأعتراف من جديد مع اختنا الغاليه ( تــولــيـن )

حروف الهجاء كتب:

بسم الله نبدأ

تولين قلبو الله يعينك عالتماسيح ويعطيك طولة البال والصبر ياااااااااارب


بعطيك كم سؤال خفايف عشان مانبدأ بالثقيل

1- ما أكثر اكلة تحبينها وما اكثر اكلة تكرهينها

2- ماذا تعني لك هذه الكلمات
(الصدق ، الوفاء ، الكذب ، الخيانة ، السلام ، الأمان ، السوق ، الهداية )

3- من اقرب لكي في عائلتك

4- هل طُعنتي من الخلف يوما ؟

وبسسسسسسسسسسسس وبانتظارا جوبتك

تحياتي

1- ما أكثر اكلة تحبينها وما اكثر اكلة تكرهينها
احبها : معكرونة البشاميل - ورق العنب
اكرها : الحمد لله مافيه شيء اكرهه كلها نعمه من ربي بس اللي مستحيل آكله واكره ريحته (الجمبري )

- ماذا تعني لك هذه الكلمات
(الصدق ، الوفاء ، الكذب ، الخيانة ، السلام ، الأمان ، السوق ، الهداية ) < ما احب هالسؤاااال

الصدق - اتمنى تواجده ب هالوقت لأنه للأسف الغالب الكذب و المجامله
الوفاء - اجمل شيء ب الدنيا
الكذب - اكرهه
الخيانه - صعبه ومره
السلام - اتمنى حصووله للعالم
السوق - ماني حريصه عليه وما احب انزل للسوق إلا لحاجه بس يعتبر متعه


3- من اقرب لكي في عائلتك
اختي الكبيره الله يخليها لي ..


4- هل طُعنتي من الخلف يوما ؟
للأسف ايه .


يسلمووء حروفي ع الاسئله

حصيصه كتب: هلالالا تؤتؤ لبى قلبتس عندي لتس تسم سوال مابي اكلف عاليتس لاني مستحيه منتس :

س / ماهو اجمل بيت شعر قرتيه وليه؟

س / كم لتس بالشاات وليه دخلتي الشات ؟

س/ ماهي احسن عباره تحبين تسمعينه من اميمتس الله يخليه لتس ؟

س / ماهي الطبخه اللي انتي مشهوووره به ؟



س / متى تحبين تجلسين لحالتس وتكفنين اي احد يقطع عاليتس هواجيتس ؟

خلاص يحبي لتس بعدين اكمل بس هالحين مستحيه منتس

هلااابتس حصووصتي , الله يدييم الحيااء

س / ماهو اجمل بيت شعر قرتيه وليه؟
كثير ابيات تعجبني , بس اللي يستحضرني بها اللحظه (ترى الذكرى ولو حلوه طواريها تهد الحيل )
ليه / لأن ذكرياتي غاليه علي واتمنى لو ترجع الايام وراا ..

س / كم لتس بالشاات وليه دخلتي الشات ؟
بكمل سنه بشهر 12 وبالتحديد بتاريخ 8/12
ليه / يوووه حصووصه قصتي طويله لين شفتك بالروم قلت لك

س/ ماهي احسن عباره تحبين تسمعينه من اميمتس الله يخليه لتس ؟
الله يوفقك وانا امك ويرضى عليك رضاي عليك .< الله لا يحرمني منهااا

س / ماهي الطبخه اللي انتي مشهوووره به ؟
حلا القهوه , الكبسه , المعكرونه بأنواعها , السلطات احب اتفنن فيها

س / متى تحبين تجلسين لحالتس وتكفنين اي احد يقطع عاليتس هواجيتس ؟
لما اتضاايق , او لما اكون افكر لازم اهيئ لي جوو هادي
وعلى العموم انا انسانه احب الهدووووووء


خلاص يحبي لتس بعدين اكمل بس هالحين مستحيه منتس < خلاص يا حبني لتس يكفي مره وحده
الله يدييم هالحيااء يا حصووصتي

عطر كتب:ونعم بالاخت تولين ونحييها في كرسي الاعتراف .... وانا من اشد المتشوقين لمعرفة ما تخفية هذي البنت

مع اني اعرفها من فتره بس مدري ليش احس ان المقابلة ما راح تفيدني بمعرفتها اكثر يبقى الغموض عالمها والكتمان هوايتها والتهرب عن الاجابات الصريحه لعبتها .............

تحياتي ونترقب

هلا بـ عطر اول ماشفت انك كاتب طاح قلبي قاعده اقول الله يعيني
جدوو ليش دايم ظالمني والله اني صريحه ..
يبقى الغموض عالمها والكتمان هوايتها والتهرب عن الاجابات الصريحه لعبتها .............
< حطمتني إذا انت قاعد تقول كذا ماراح اعتب على غيرك

عطر كتب:انا الصدق ما عندي اسئله جاهزه ولا ادري من وين ابتدي ..... حاب اقراء ردودك وايجاباتك .... وبعدين اشوف وش الله يقويني اني اسويه

او تدرين غيرت رائي ابي ابداء بالمقبلات ( يعني فاتح شهيه ) بعد ما قريت لك ردود في كم موضوع حبيت اسئل عن هالردود بتفصيل

بسم الله ونبداء :
في موضوع سجل حكمتك اليوم انتي كتبتي خمس حكم واسئلتي حولها
س1 تعلمت ان مفتاح الفشل هو محاولة ارضاء كل شخص تعرفه ) هل نستطيع ان نعرف منهم الشخصيات التي كنتي تحاولين ان ترضينهم وما صلة القرابه وماذا فعلوا ؟؟

س2 : (مكانه عيوني , من حطني بـ عينه ) لو حطيتك بعيني وقلبي هل فعلا اكون في عيونك ؟؟؟ او بس مثل عابر
س3 : ( حينما تود تلوين الحياة استعن قليلا بلون اللآمبالاة ) هل انتي فعلا تطبقين المثل بالروم ؟؟؟ وكم مره طبقتيه او تذكرتيه بموقف ؟؟

س4 : ( لآ تُحْسنْ الظّنّ حَدّ الغَبَـآءْ . . وَ لآ تُسِيءْ الظّنْ حَدّ الوَسْوَسَهْ . . وَ لِـ يَكُنْ حُسْنُ ظَنّكَـ [ ثِقَهْ "> . . وَ سُوءُ ظَنّكَـ [ وِقَـآيَهْ "> ) متى وكيف استطيع ان اقول ان هذا الشخص ثقه ومتى يجب ان اتخذ معه الوقايه ؟؟ اريد شرح لو سمحتي

س5 : ( لولا الظروف و حاجة الناس لـ/ الناس ,محدن عرف ( طيب ) البشر, من ردااهاا ) هل فعلا انتي محتاجه لناس معيينين غير دائرة الاسرة ؟؟ وهل سبق اكتشفتي ردا احد من تجربه ؟؟ ماهي التجربه ...

تحياتي وللحديث بقيه

تخيلو عطر ما يسأل وش صااير بالدنييا
مستحيييل المحقق كونن يسكت

فيك عرق لقااافه موب طبيعي يا عطر

تعلمت ان مفتاح الفشل هو محاولة ارضاء كل شخص تعرفه )

يسلمووء جدو على الأسئله

عطر كتب: يعجبني تعزيز الاستاذ اسد.....

اعتقد واضحها اسد يعني اذكري لنا سالفة بينت ردا الناس بموقف حصل معك.

سؤال على الطاير :
** كم عدد صديقاتك المقرابات جدا ؟
** كم عدد البنات معك بالمسنجر ؟؟
** ماهي الشخصيه التي تشدك للانتباه ؟؟ (اقصد شخصية حاضره من عالمك الحاضر وما صفة هذه الشخصيه )
** فكره او موقف دئما تفكرين فيه ؟؟
** هل تمتلكين افكار لا يملكها غيرك في جميع مجالات الحياه ؟؟
** كم سعر اخر فستان شريتيه ؟؟
** من ردودك للمواضيع اكتشفت انك تملكين منجم من الكلمات الراقية واكتشفت انك لا تكررين كلماتك .... هل تاخذين وقتا طويلا جدا لكتابة الردود ؟؟( يعني تفحصين الرد عشرين الف مره قبل تضغطين ارسال )

تحياتي ولي رجعه بعد فتره من قرائة ردودك بالكرسي

SBrOoooO كتب:

سبب اختيارك لهذاالاسم ؟

الهوايات ؟

حلمك في الحياة؟

أجمل سنوات مرت عليك؟

شخصيتك ( عصبيه ام هادئه )؟

اجمل بلد زرتيها ؟

ماهو لونك المفضل ؟

من هو مثلك الاعلى ؟

ماهي حكمتك بالحياة ؟

ماالذي يحزنك ؟

ماالذي يغيظك ؟

ماالذي يفرحك ؟

افضل شخصيه في رأيك ؟

ما الذي تكرهيه بشخصيتك؟؟

رأيك بـ الصداقـه بيـن الجنسيـن؟

ماهو رأيك بالحب ؟

صــفي نفســـك بكلمتيـــن فقـــط..!

مــاهــو الشــئ الذي ندمــتي علــي عمـلــــه؟!؟

كـلمـــة تمنيـــــتي ان تسـتطيـــعي سحـبهــــا؟!؟

آخـــر شخـــص تتـــذكــــريه قبـــل أن تنـــــامي؟!؟

ماريك بحال الامه بالوقت الحالي!؟

حمـامة زاجـــل حاملـــة رســالة لـك,,,من من تتمنـى ان تكــون؟!؟

رساله تحبي ان تقوليهاااا!؟

دمـعـــه انـذرفــــت رغـمــاً عنـــك؟!؟

مـوقـــف صــدمــك ولــن تنسيه ابدا؟!؟

شـخــص تتمنــي الإنتقــام منـــه؟!؟

شــئ او عمــل لا تستطيــعي مســامحته؟!؟

شــئ او شخــص غيــّر مجــرى حياتـــك؟!؟

حلم لا تستطيـــعي تحقيقه؟!؟

كلمة تودي سماعها كل يوم؟!؟

لويرجع بك الزمن ورا شنو راح تسوي وشنو الي ماتسويه؟


انسان انصدمتي منه ؟؟؟؟

كلمه تحبي تقوليها لانسان؟؟

لويقولولك تضيفي شخص لحياتك او شيء معين ماهو؟؟؟

لوتستطيعي تغير شيء بالدنيا ماهو الشيء الذي بتغيرينه؟؟؟

شيء تمنيتي انك تسويه بس الضروف صارت عائق اليك؟؟

نصيحه لاخوانك الشباب ؟؟؟

نصيحه لخواتك البنات؟؟؟

اخر كلمه تحبي قولهاااااااااا؟؟؟

سبب اختيارك لهذاالاسم ؟
مدري كذا احبه , دخلت فيه اول مره ولاعاد غيرته .

الهوايات ؟
احب اقرا , السباحه ,اكتب خواطر , اسمع شعر .

حلمك في الحياة؟
احلام موب حلم واحد .

أجمل سنوات مرت عليك؟
الطفوله , مرحلة المتوسط ..

شخصيتك ( عصبيه ام هادئه )؟
عصبيه .

اجمل بلد زرتيها ؟
سافرت مره وحده بس للخارج لاكن على مستوى السعوديه احب الجنوب ومكه راحه نفسسييه

ماهو لونك المفضل ؟
الوردي , الاخضر .

ماهي حكمتك بالحياة ؟
- عامل الناس كما تحب ان يعاملوك .
- لا تشكي للناس جرحا انت صاحبه لا يؤلم الجرح الا من به الم .

ماالذي يحزنك ؟
الموووووت , الفراااق .
المشاااكل , الكذب .
النفاق , المجامله .
لما انفهم غلط وهذا اكثر شيء اعاني منه .

ماالذي يغيظك ؟
الاستغلال ( لما حد يستغلني )
الحسد.
لما يجرحون ولا يهتمون .
لما يقطون حكي ويقولون ماعليش بتزعل يوم وترضى .

ماالذي يفرحك ؟
اشياء كثيييره وبسيطه تفررحني .
لما اشوف الخوف والحرص بعيون اهلي علي < اكثر شيء يفررحني .

افضل شخصيه في رأيك ؟
الرسول صلى الله عليه وسلم .

ما الذي تكرهيه بشخصيتك؟؟
طيبتي الزااايده .
عصبيتي .
اشيل هم غيري واجلس آكل بنفسي .

رأيك بـ الصداقـه بيـن الجنسيـن؟
لا أؤيد .

ماهو رأيك بالحب ؟
الحب اكبر من اني اقول رأيي فيه .
بس بها الزمن (للأسف ) مافيه حب قد مافيه لعب واستغلال وتضيع وقت .

صــفي نفســـك بكلمتيـــن فقـــط..!
< صعبه
انتم وش توصفوني به ؟؟


مــاهــو الشــئ الذي ندمــتي علــي عمـلــــه؟!؟
كثير اشياء ومن ضمنها دخولي عالم الشات .

كـلمـــة تمنيـــــتي ان تسـتطيـــعي سحـبهــــا؟!؟
- الوعد , لما شخص يوعدني ولا يكون قد وعده اتمنى لو يرجع الزمن شوي واسحبها ..
- (الله لا يحرمني منك )

آخـــر شخـــص تتـــذكــــريه قبـــل أن تنـــــامي؟!؟
ممكن اخوي الله يرحمه لأني إلى اليوم مصدومه بوفاته , مع اني قد فقدت واحد قبله .
وممكن اتذكر اكثر شخص فرحني بهاذاك اليوم او آخر شخص تحدثت معه أو شخص ضايقني على حسب .

ماريك بحال الامه بالوقت الحالي!؟
ما يعجبني ابداا .

مـوقـــف صــدمــك ولــن تنسيه ابدا؟!؟
وفاة اخوي الله يرحمه .
وفيه موقف صار قريب تمنيت الارض انشقت وبلعتني ولاصار قدامي ومن اعز الناس على قلبي .

شـخــص تتمنــي الإنتقــام منـــه؟!؟
الحمد لله ماعمري فكرت هالتفكير .


شــئ او عمــل لا تستطيــعي مســامحته؟!؟
فيه اشخاص ما اقدر اسامحهم , لأن حجم الالم اللي سببوه لي مو بسيييط .

شــئ او شخــص غيــّر مجــرى حياتـــك؟!؟
اهو شخص غير مجرى حياتي ثم سبب لي انتكااااسه ..

حلم لا تستطيـــعي تحقيقه؟!؟
اشيل التعب والحزن اللي بقلب امي ..

كلمة تودي سماعها كل يوم؟!؟
الكلمه الطيبه .
دعوه حلوه مثلا : الله يوفقك , الله ييسر امورك ...
وبعد لما حد يجي ويقولي مشتااق لك < اتشقق بس لازم صدق تطلع من قلب موب يكذب

لويرجع بك الزمن ورا شنو راح تسوي وشنو الي ماتسويه؟
(لو ) تفتح باب الشيطان ..

انسان انصدمتي منه ؟؟؟؟
يا كثررررهم .

كلمه تحبي تقوليها لانسان؟؟
< كيف يعني ماحددت وضح اكثر .
وش الانسان وش علاقتي فيه .

سبرو لحد هنااا ما اقدر اكمممل ..
بكرا اكمل النصااائح ..

عطر كتب:لا ما يحتاج تتعمقين اذا لا تريدين ان تاتين بجديد فما هي الفائده ؟؟؟

اولا هواياتك هي الوحيده الي تعتبر اجوبه خاصه
اما باقي الاجوبه مع احترامي لك فهي اجوبه عامه تنطبق على اي شخص ....
يعني يستطيع اي شخص على كرسي الاعتراف ان ينسخ ايجاباتك ويضعها عنده تكون ادت الغرض.

كوني كمشرف لكرسي الاعتراف اعتبر حكم ارجو تقبل نقدي بصدر رحب

تحياتي